Алматыда “Өнер құпиясы” көрмесі ашылды

Мемлекеттік орталық музейінде Шолпан Заманбекованың “Өнер құпиясы” жеке мерейтойлық көрмесі ашылды.
Көрмеге автордың 60-тан астам туындысы ұсынылған. Суретшінің еңбектері Қазақстанның, сондай-ақ жақын және алыс шетел музейлері мен жеке коллекцияларында сақтаулы.
Шолпан Заманбекованың шығармашылығы сан қырлы. Ол сәндік-қолданбалы өнер, батик, кескіндеме және графика сынды түрлі техникаларда жұмыс істейді. Бірқатар туындылары қазақтың тарихы (“Қазақтың таңбалары”, “Ортағасырлық қалалар”, “Сарайшық аңызы”) мен дәстүрлі өнеріне арналған. Шығармашылығындағы ерекше орынды туған өлкесінің табиғатынан шабыт алған туындылары алады. Аталмыш көрме 25 қаңтарға дейін жалғасады.