Қарағанды облысының қобызшысы Қытайда өткен халықаралық байқауда 1-орын алды

Қарағанды облысы, Бұқар жырау ауданының Ботақара ауылында тұртын қобызшы Шахназе Ильясова Санья қаласында (Қытай) "Жасыл айдаһар" байқау-фестивалінің жеңімпазы атанды. Ол Батырхан Шүкеновтің "Отан Ана" композициясын өз интерпретациясымен орындады.
Байқау жеңімпаздары бірнеше номинация бойынша іріктелді: ұлттық аспаптарда ойнау, вокал, хореография, хор, театр шеберлігі, дизайнерлік іс және бейнелеу өнері.
Өнер иесі "Ұлттық аспаптарда ойнау" номинациясында бірінші болды. Ол прима-қобызда ойнайды.
Шахназе Ильясованың "Жасыл айдаһарда" жеңісі жалғыз ғана жетістігі емес. Өткен жылы ол Golden Time Talent халықаралық онлайн байқауында бірінші орынды иеленді, сондай-ақ ол таланттар конфедерациясының гауһар одақтастарының тізіміне енді. Оның есебінде облыстық және республикалық байқаулардағы көптеген жеңістер бар.