«Жап-жас ата» фильмі көрерменге жол тартты

«Жап- жас ата» комедиялық фильмі үлкен экранға жол тартты. «Tiger Films» продюсерлік компаниясы таспалаған картинаның алдын-ала көрсетілімі Алматыдағы Kinopark 11 IMAX Esentai кинотеатрында өтті. Бұл кореялық «Big Ocean» компаниясының 2008 жылы шыққан «Бәлеқорлар» картинасының ремейкі. Бұл фильм - қос кинокомпанияның ортақ жобасы.
Фильмінің басты кейіпкері – Дархан есімді танымал радио жүргізушісі. Бойдақ жігіттің өмірінде кенеттен баласы бар жас әйел пайда болып, өзінің туған қызы екенін және немересі бар екенін айтады. Дархан өзінің әке және жас ата болғанын жасыруға тырысады. Осылайша үш кейіпкердің таныстығы шытырман оқиғаға ұласады.
90 минуттық картина қоғамдағы отбасы құндылығы, ажырасу сынды түйткілді түсіндіреді.