«Құлагер» республикалық байқауының жеңімпаздары белгілі болды

Алматыда қаламгерлерге арналған «Құлагер» республикалық байқауының жеңімпаздары марапатталды.
Байқаудың мақсаты – еліміздің ұлттық мұрасының бірі – ұлттық спортты насихаттау және қаламгерлерге қолдау көрсету, оларды ұлттық спорт түрлері туралы жаңа туындылар жазуға ынталандыру.
Қазылар алқасының әр мүшесінің ұсыныс-пікірі мен сараптамалары негізінде ең үздік деген шығарма іріктеліп, қаламгерлер 7 номинация бойынша «ҚҰЛАГЕР» республикалық байқауының жүлдегерлері атанды: Проза,Драма, поэзия, фонтастика, деректі проза, балалар әдебиеті, комикс  номинациясы бойынша жеңімпаздар анықталып ақшалай сыйақы табысталды.
Қазылар алқасының төрағасы, Қазақстан Жазушылар одағының басқарма төрағасы Мереке Құлкенов: «Бұл шара – ұлттық спортты насихаттап-жазып жүрген біздің ақын-жазушыларға рухани жақтан да, қаржылай да үлкен қолдау болды. Алдағы уақытта да осындай игі істерді бірлесе атқара береміз» деп сенім білдірді.