Алматыда «Отан дауысы» әскери-патриоттық ән байқауы өтті

Алматыда әскери-патриоттық клуб тәрбиеленушілерінің, мектеп оқушылары мен колледж студенттерінің қатысуымен «Отан дауысы» әскери-патриоттық ән байқауы өтті, деп хабарлайды ҚР Қорғаныс министрлігінің баспасөз қызметі.
Іс-шараны Алматы қаласы білім басқармасының қалалық дене шынықтыру және спорт оқу-практикалық орталығы, «Жас сарбаз» республикалық балалар-жасөспірімдер қозғалысы және ҚР Қарулы күштерінің Ұлттық әскери-патриоттық орталығы ұйымдастырды.
Қазылар алқасы байқауға қатысушыларды орындаушылық, әртістік шеберлігі, актерлік және хореографиялық деректері, композицияның өзіндік ерекшелігі мен сахналық костюмі бойынша бағалады. Сонымен бірге авторлық әндерге ерекше назар аударылды.