Таразда «Жамбыл. Жаңа дәуір» фильмінің көрсетілімі өтті

Жамбыл өңірінде қазақ киносының онкүндігі басталды. Оның шымылдығы ұлттық кино орталығы түсірген «Жамбыл. Жаңа дәуір» фильмімен ашылды. Осылайша, Қарағанды қаласынан бастау алған мәдени шара 10 күн бойы жамбылдық көрермендерді қуантатын болады.
ҚР Мәдениет және ақпарат министрлігі мен Кино орталығының қолдауымен түсірілген «Жамбыл. Жаңа дәуір» фильмі 10 күн бойы облысты аралап, көрермендермен қауышатын болады.
«Тарихыңды тани алмасаң, келешекті болжай алмайсың» деген сөз бар. Сондықтан «Жамбыл. Жаңа дәуір» фильмін тараздықтарға ұсынудың ерекше мәні бар. «Ұлттық кино орталығының негізгі мақсаты – танылмай қалған тарихи тұлғаларымыздың жарқын мұрасын жас ұрпаққа насихаттау», - дейді жоба жетекшісі.
Бұған дейін қазақ киносының онкүндігі Қарағанды облысында өткен болатын Енді Жамбыл облысына ат басын тіреп отыр. Келешекте қазақ өнерінің туындыларын жаңа қырынан ашуға бағытталған мәдени шара  ліміздің өзге өңірлері мен қалаларында жалғасатын болады. Жоба аясында көрермендер ел тарихы мен мәдениетін айшықтайтын фильмдерді тамашалайды.