Жетісу өнерпаздары Нұрғиса Тілендиев ескірткішіне тағзым етті

Талдықорғанда жергілікті өнерпаздар әйгілі компазитор Нұрғиса Тілендиевтің ескерткішіне гүл шоқтарын қойып, мұрасын жаңғыртты.
Қазақ музыка өнерінің майталманы Н. Тілендиевтің 100 жылдығына арналған салтанатты шара әйгілі күйшінің атындағы музыка мектебінен бастау алды. Келелі жиында өнер саңлақтары естеліктерімен бөлісіп, шығармашылығын насихаттады.
Игілікті шара барысында Талдықорған балалар көркем сурет мектебі оқушыларының сурет салу пленэрі ұйымдастырылып, жас суретшілер дәулескер күйші-композитордың бейнесін қағаз бетіне түсірді. Сондай-ақ облыстық Дәнеш Рақышев атындағы филармониясының әншілері "Жетісу виртуозы" ансамблі шағын концерт қойып, Н.Тілендиевтің шығармаларын орындады.
Шара соңында Б.Римова атындағы драма театрында Дәнеш Рақышев атындағы филармонияның Мұқан Төлебаев атындағы қазақ халық аспаптары оркестрі 100 жылдық мерейтойға орай "Өз елім" атты концертін өткізді.