Ахау-ай.

Ахау-ай.

халық әні

Дәйім менің мінгенім боз болса екен,

Қыз жеңгесі мейірімді кез болса екен.

Жолаушылап, жорытып жүргенімде,

Қасымдағы жолдасым қыз болса екен.

Қайырмасы: Атып алдым қоянды,

                      Қанға қолым боялды.

                      Осы бір әнге салғанда,

                      Қыз-келіншек оянды.

                      Атып алдым тырнаны,

                      Атқан оғым зырлады.

                      Осы бір әнге салғанда,

                      Қыз-келіншек таңқалды.

Дәйім менің мінгенім сал күрең кер,

Қызды ауылды қырындап көп жүремін.

Табаныңа қадалған жалғыз тікен,

Маңдайыма қадалсын деп жүремін.