Әләулім-ай 1 түрі

Әләулім-ай 1 түрі

Халық әні

Айт дегенде өлеңді іркілмеймін,

Ақ түйенің жүніндей іркілдеймін.

Көпшіліктің алдында ән салғанда,

Жолға түскен жорғадай бүлкілдеймін.

Есіктің алды қоғалай,

Әркімнің көңілі жоғары-ай,

Аса байлық не керек,

Ден сау болса болады-ай

Жүгіріп шықтым белеске,

Белес жақын емес пе,

Осы отырған отырыс,

Бір ғанибет емес пе?..

Біздің жақтың жігіті сылқым сері,

Ойын-күлкі күнде той жүрген жері.

Құлын-тайдай тебісіп бірге өскен,

Өзіне ыстық әркімнің туған жері.