Ақбаян

Енді аман бол Баянның қалған елі,

Сен де аман бол арқаның қоңыр желі.

Ақбаян, ақ жүрегім көпке аян.

Қаз қаңқылдап жататын, қу сұңқылдап,

Құмық меруерт ақ қайраң шалқар көлі,

Ақбаян, ақ жүрегім көпке аян.

Баян көлі айнадай мөлдір бұлақ,

Жататұғын сарқырап ағын құлап.

Ақбаян, ақ жүрегім көпке аян.

Көк иісті майсаны жарып құлап,

Қызығына тоймайсың жатсаң сұлап.

Ақбаян, ақ жүрегім көпке аян.