Досхан Жолжақсынов

Досхан Қалиұлы Жолжақсынов – (1951 жылы 7 қазан. Шығыс Қазақстан облысы, Күршім ауданы, Балықшы ауылы) – актер, кинорежиссер. Қазақстанның халық әртісі (1995). Қазақстан Республикасының мемлекеттік сыйлығының екі дүркін лауреаты(1996, 2016 жж.). Қырғызстанның еңбек сіңірген әртісі (1996). Қазақ КСР еңбек сіңірген әртісі (1987).
1951 жылы 7 қазанда Шығыс Қазақстан облысы, Күршім ауданына қарасты Балықшы ауылында (қазір Ақсуат ауылында), Қали және Жазира Жолжақсыновтар отбасында дүниеге келген. Үйдің бесінші баласы. Әкесі күй жазып, домбырада ойнаған, кейін ұлы Досханды да үйретті. Төртінші сыныптан кейін Досхан туған ауылынан 150 шақырым жерде орналасқан мектеп-интернатқа түсті.
1969 жылы Құрманғазы атындағы өнер институтының театр факультетіне оқуға түсті. КСРО Халық әртісі Хадиша Бөкееваның шеберханасында білім алды.
1972 жылы ол Жас көрермендер театрының қосалқы труппасына қабылданды.
1993 жылы осы театрдың директоры болып тағайындалды.
2000 жылы бұл лауазымынан өз еркімен кетті.

Марапаттар

• 1982 ж – Қазақстанның Ленин комсомол жүлдесі
• 1987 ж – жылы Қазақ КСР еңбек сіңірген әртісі
• 1995 ж – Қазақстанның халық әртісі
• 1996 ж – Қырғызстанның еңбек сіңірген әртісі
• 1996 ж – Қазақстан Республикасының Мемлекеттік сыйлығы
• 2001 ж – Қазақстан Республикасының «Құрмет» орденімен марапатталған
• 2016 ж – 2016 жылы әдебиет және өнер саласындағы еңбегі үшін Қазақстан Республикасының Мемлекеттік сыйлығы («Құнанбай» көркем фильмі үшін)