Дулыға Ақмолда

Ақмолда Дулыға Досмұхамбетұлы – ҚР еңбек сіңірген қайраткері, Жастар сыйлығының лауреаты. 1971 жылы Жамбыл облысы Сарысу ауданының Саудакент ауылында дүниеге келген. Байқадам орта мектебін және Саудакент жеріндегі Ықылас атындағы музыкалық мектепті бітірді.
1993 жылы Қазақ мемлекеттік театр және өнер институтын театр және кино актері мамандығы бойынша тәмамдады.
«Театр көктемі» театр фестивалінің лауреаты, сондай-ақ көптеген республикалық және халықаралық фестивальдердің (Корея, Түркия) жүлдегері.
Атақты актер «Тамаша», «Әzіlstan», «77 күн» сияқты телебағдарламаларда, «Хабар» арнасының шоу бағдарламаларына қатысады. Сондай-ақ, қазақ тіліндегі анимациялық фильмдерді дубляждайды.
Әйгілі Ықылас, Сүгір, Айкен, Төлеген күйшілердің жерінде дүниеге келген актер домбырада, қобызда шебер ойнайды, композитор. «Үкілі үміт» жас сазгерлер конкурсының лауреаты.
Қазақстан жастар одағы сыйлығының лауреаты (2002).
ҚР еңбек сіңірген қайраткері (2010).