Астана - 106,8FM Алматы - 101,00 FM Шымкент - 106,40FM Талдықорған - 101,00FM Көкшетау - 101,00FM Ақтөбе - 102,20FM Атырау - 101,00FM Өскемен - 104,00FM Семей - 100,10FM Аягөз - 101,00FM Тараз - 100,80FM Орал - 101,20FM Қарағанды - 103,40FM Қызылорда - 102,00FM Ақтау - 100,5FM Павлодар - 101,00FM Петропавл - 106,80FM Түркістан - 101,00FM
Максим  Раков

Максим Раков

        Максим Сергеевич Раков (1986 жылғы 7 ақпанда дүниеге келген) - қазақстандық дзюдошы, дзюдодан ҚР-ның еңбек сіңірген спорт шебері, 100 кг дейінгі салмақта 2009 жылғы әлем чемпионы.
        1986 жылы Қарағанды қаласында дүниеге келген. 2002 жылдан бастап дзюдо тәжірибесі бар. Қазақстан Республикасының еңбек сіңірген жаттықтырушысы Раков Сергей Капитонович пен Байшұлақов Талғат Сайранұлының жетекшілігімен жаттығады.
        100 кг дейінгі салмақта жасөспірімдер арасындағы дзюдодан әлем чемпионатының қола жүлдегері (Оңтүстік Корея, 2002); Азия ойындарының күміс жүлдегері (Катар, 2006); Дзюдодан «Суперкубок әлемі» халықаралық турнирінің 2 дүркін жеңімпазы (Германия, 2006, Голландия, 2008); Азия чемпионатының қола жүлдегері (Кувейт, 2007); Әлем кубогының күміс жүлдегері (Австралия, 2008); Азия чемпионы (Тайвань, 2009); дзюдодан әлем чемпионы (Голландия, 2009).
        Халықаралық дзюдо федерациясының ережелеріне сәйкес, Олимпиада ойындарына лицензияны алу үшін спортшылар 2010-2012 жылдардан бастап екі жыл бойы халықаралық рейтингтік жарыстарда бәсекеге түсіп, Олимпиада ойындарына қатысатын 22 үздік спортшылардың тізіміне кіруі тиіс. Максим рейтингте бірінші орын алып, 2012 жылғы Олимпиадаға лицензия алды. Бірақ 1/16 финалда жеңісті әзірбайжандық Эльмар Гасымовқа беріп қойды.