Ақерке Усманбаева

Адам туған топырағына тартып туады деген бар. Рас та болар. Мен Хантәңірінің баурайындағы Нарынқол ауылында дүниеге келдім. Танымымның қалыптасып, талғамымның таразылануына туған топырақтың әсері мол. Тамшыдай жақсы қасиетім болса Нарынқолымның ауасынан, Хантәңірмнің кербездігінен, Байынқолымның мөлдірлігінен дарыған.
Журналистикаға кездейсоқ келгендердің қатарынан емеспін. Мектеп қабырғасында жүргенде жасаған таңдауым. Осы салада аз-маз еңбек еткен уақытта түйгенім - журналист Абай тілімен айтсақ «толық адам» болу керек. Өзің қандай болсаң шығармаң сондай. Толық келісемін. Айтарың жүректерге жетпей жатса, өз жүрегіңе үңіл.
Өмірлік ұстанымым Әлиханның айтқаны: Озғандарға жету, жеткендерден озу! Түзу қалам қисаймай, өткір қалам мүжілмесе журналистиканың ұлтқа берері орасан.