Самалтау

Самалтау

халық әні

 Самалтау, қайран елім, шалқар көлім,

 Не болар, солдат болып көрген күнім-ай.

 Есіме қайта-қайта түсе бердің,

 Кір жуып, кіндік кескен туған жерім-ай.

 Қайырмасы:

 Атты емеспіз, жаяумыз,

 Жаяудан да баяумыз.

 Он бес күндей жүргенде,

 Омбы жаққа таяумыз.

 Әке-шешем бар еді,

 Жасы жеткен кәрі еді.

 Осынау-ау әнге салдырған,

 Он алтының зары еді.

 Жасым бар қос мүшелде, жылым сиыр,

 Тағдырдың айдауымен кеттім қиыр.

 Самалтау, қайран елім, артта қалдың,

 Адасқан өрісінен біз бір үйір-ай.

 Қайырмасы: