Радиотеатр. «Ана-Жер ана» моноспектаклі

Кешегі сұрапыл соғыс алып келген ана қасіретін, жар қасіретін бір адамның басына түгел сыйғызып берген бұл шығарма тереңіне дейін тебірентпей қоймайды. Мұнда ұлы қасірет, терең трагедия бар. Бірақ, бұл трагизм адамның - ананың адамгершілік ұлы қасиетін, рухани құдіретін ашқан өршіл трагизм. «Ана-Жер ана»  спектаклі қазақ театрларында сан жылдар бойы сахнадан түспей келеді.

Авторы: жазушы, қоғам және мемлекет қайраткері Шыңғыс  Айтматов.

Қоюшы режиссері: ҚР Халық әртісі Тілектес Мейрамов.

Орындаушы: Қ.Қуанышбаев атындағы академиялық қазақ музыкалық драма театрының актрисасы Бақыт Жұмағұлова.

Хабардың авторы: Толқын Сұлтан.

Естеріңізге саламыз, «Ана-Жер ана»  моноспектаклі «Шалқар» радиосының 50, Қазақ радиосының 95 жылдығына орай ұйымдастырылған «Шалқар шабыт» байқауында дауыс беру нәтижесі бойынша үздік қойылымдар қатарына енген.