Ақтауда Халық жазушысы Әбіш Кекілбаев атындағы орталық ашылады

Ақтау қаласында ҚР Халық жазушысы Әбіш Кекілбаев атындағы орталық ашылмақ, деп хабарлайды КазТАГ агенттігінің тілшісі.

Орталықты ашу туралы бастаманы 2016 жылдың басында Маңғыстау облысының әкімі Алик Айдарбаев көтерген болатын. Аймақ басшысы қыркүйек айында Астананың жетекші сәулетшілерімен кездесіп, ғимараттың нобайымен танысты.

Жобаның басты мақсаты – жазушының мәдени мұраларын сақтап,  насихаттау. Құрылыс жұмыстарының басы  2017 жылға жоспарлануда. Төңірегінде  субұрқақ орналасатын ғимаратта   кітапхана, мұражай, концерттік зал және кітап дүкені болмақ. Жоспар бойынша орталық 2000 қонаққа дейін қабылдайды.

Әбіш Кекілбаев 2015 жылдың 11 желтоқсанында 76 жаста дүниеден озды.