Ұлттың ұлы мұрасы – Алтын адам

Есік қорғанынан табылған «Алтын адам» аталып кеткен сақ ханзадасы және оның ғұрыптық кешені – құнды тарихи мұра, баға жетпес археологиялық олжа. Биыл «Алтын адамның» табылғанына 50 жыл толды. Жарты ғасыр уақыт өтсе де сақ дәуірінен бізге жеткен құнды жәдігер толық зерттеліп біткен жоқ. Алтынға малынған сақ жауынгері мен оның жанынан табылған 4 мыңнан астам алтынмен көмкерілген әшекей бұйымдары әлем жұртшылығын таң қалдырып, көптеген ғылыми еңбектердің жазылуына себеп болды.

«Жәдігер» хабарының кезекті санында «Есік» мемлекеттік тарихи-мәдени қорық-музейінің директоры Гүлмира Мұхтарова және орынбасары Досым Зікірия Есік обаларынан табылған «Алтын адамның» зерттелуіне қатысты қызықты мәліметтермен бөлісті.

Толық ақпарат хабардың аудионұсқасында.

Хабардың редакторы: Салтанат Смайылова.