Самал Ботаханқызы: Президент Жолдауы – ұстаздарға үлкен қолдау болды

Бүгін  "Шалқар шаңырағында" бағдарламасында Нұр-Сұлтан қаласының Ілияс Жансүгіров атындағы №58 мектеп – гимназиясының директоры, педагогика ғылымының кандидаты, Оқу ісінің үздігі Самал Ботаханқызы қонақта болды.

Самал Ботаханқызы Президенттің Қазақстан халқына Жолдауындағы білім саласына қатысты ойларына тоқталды.

"Жолдауда білім, ғылым саласы өзекті мәселе қатарында айтылды. Бұл бағытта бірталай жеңілдіктер мен қолдаулар көрсетіліп жатыр. Мысалы, білім саласындағы басты мәселелердің бірі – ұстаздар жалақысының аздығы. 2021 жылдың қаңтарынан бастап мұғалімдердің еңбекақысын 25 пайызға көбейту жөнінде шешім қабылданды. Президент жалақы мөлшері алдағы уақытта да арта беретінін, бұл мақсатта алдағы үш жылда қосымша 1,2 триллион теңге бөлінетінін айтты. Сонымен қатар, өте маңызды мәселе – қашықтан білім беру жайы да қозғалды. Толыққанды білім үдерісі үшін қажетті барлық функциясы бар бір онлайн білім беру платформасы әзірленуде. Қолжетімді әрі сапалы білім туралы жақсы ойлар  айтылды. Ендігі кезекте осының барлығын іске асыру – сіздер мен біздердің қолымызда" ,- деді студия мейманы.

Сұхбаттасқан журналист Ләззат Тиышбекқызы.

Толық ақпарат хабардың аудионұсқасында.