Ұлт бірлігі – ұлы байлық
«Шалқар шаңырағында» бағдарламасының кезекті саны 1 мамыр - Қазақстан халқының бірлігі күніне арналып, Қазақ елінің түкпір-түкпірінен өзге ұлт өкілдері телефон арқылы байланысқа шығып, достық пен өзара түсіністіктің нышаны болған мейраммен радиотыңдаушыларды құттықтады.
ҚР Ұлттық ұланда бірлік күні қалай аталып өтілетіндігі туралы және әскерде қанша ұлт өкілдері қызметте, қандай қызмет етітіндігі туралы Қазақстан Республикасы Ұлттық ұланы, Бас қолбасшылығы мемлекеттік тіл бөлімінің басшысы, полковник Әбдірәсіл Әлішер Нұридінұлы әңгімеледі.
"Өңірден хабарласқан ҚР ІІМ Әкімшілік полиция комитетінің қызметкері Анна Баданова, Жамбыл облысының полиция департаментінен телефон соққан,түрік ұлтының перзенті Кибар Бахтиярұлы, Жамбыл облысынан қоңырау шалған Антон Сергейұлы Касмин, Ақмола облысынан беларус Михаил Никалайұлы Себатов, Маңғыстау облысынан Наталья Ефстегнееваның мемлекеттік тілде құтықтауы – жақсы көрсеткіш, бізде Ұлттық ұланда қазақ тілін жетік меңгерген, нағыз патриот қызметкерлер жетерлік",- деді өз сөзінде студия қонағы.
Сұхбатты бағдарламаның аудионұсқасын тыңдай аласыздар.
Эфирге дайындап, жүргізген журналист Ләззат Тиышбекқызы.