Алаш қайраткерлерінің жазған мақалалары топтастырылған жинақтар тұңғыш рет жарық көрді

2021 жылдың мамыр айында Qyr balasy қоғамдық қоры Ә. Бөкейхан атындағы «Алаш» ғылыми-зерттеу институты «Алаш кітапханасы» сериясымен Заңғар Кәрімханның «Толағай», «Қазақ тарихы. Инфографикалық деректер», Ерден Нұрахметтің «Алаш арысы – Біләл Малдыбайұлы» атты ғылыми зерттеулері мен Ғазымбек Бірімжан, Абдолла Байтасұлы, Сейітбаттал Мұстафаұлы, Біләл Сүлейұлы, Біләл Малдыбайұлы секілді ұмыт қалған Алаш қайраткерлерінің жазған мақалалары, еңбектері топтастырылған жинақтар тұңғыш рет жарық көрген болатын. 

6 мамыр күні, сағат 16.00-де Нұркент 5/11 мекен-жайында Alatau creativ hub-та осы 8 кітаптың тұсаукесер рәсімі өтеді. Оған осы саланы зерттеп жүрген ғалымдар, әдебиеттанушылар, тарихшылар, Алаш қайраткерлерінің ұрпақтары, кітап авторлары мен жинақты құрастырған алаштанушы-ғалымдар қатысады.

Qyr balasy қоғамдық қорының негізгі мақсаты – 20 ғасырдың басында ұлт жолында шейіт болған Алаш қайраткерлерін тірілту, олардың мұраларын насихаттау, ғылыми айналымға енгізу, жан-жақта шашылып жатқан деректерді жинастыру, Алаш кезеңін зерттеу.

Байланыс телефоны: 8-771-411-35-59. Әлібек Байбол.