Әдеби менеджер мен әдеби агенттіктердің жұмысы

Әдебиет қай уақытта да үлкен құндылық болған. Тартпада жатып қалатын қолжазбалар бар да, маңдайы жарқырап, бестселлерге айналып шыға келетін кітаптар бар. Сондықтан жаңа кезең қаламгері шығарма авторы ғана емес, әдеби менеджер де бола алуы шарт. Кітап нарығының дамуы үшін елімізде әдеби агенттіктердің жұмысы жолға қойылуы керек.

Бүгінгі нарық заманындағы қаламгер авторлық құқықты баспаға беретін кезде тиімді келісімшарт жасасу үшін баспа нарығын жақсы білуі керек. Тәуелсіз әдебиетіміз кітап нарығына енді ғана бет бұрып жатқан қазіргі кезеңде түйіні шешілмеген күрделі мәселелер көп. 

Біз бүгінгі әдебиеттің ахуалы, поэзия, проза, драматургия, кітап және оқырман жайлы сөз еттік. "Шалқар шаңырағына" әдебиет сыншысы, жазушы Анар Қабылқақ келді.