Тәуелсіздікке тарту: Жаңа патриоттық әндердің тұсауы кесілді

«Шалқар шаңырағында» композитор, дирижер Әліби Әбдінұровтың «Айналайын туған жер»,  Айгүл Қосанованың орындауындағы жаңа ән, Алмас Алтынбековтің орындауындағы Әбдірахман Асылбектің сөзіне жазылған «Туған жер – алтын бесігім» әндерінің тұсауы кесілді.

Студия қонағы, композитор, дирижер – Әліби Құттымбетұлы басты мерекеміз – ҚР Тәуелсіздік күнімен құтықтай келе, тыңдаушылардың сұрауы бойынша опера әншісі Азамат Жылтырғөзовтың орындауындағы «Тарихым азат елдің намысы» және Толқын Забированың орындауындағы «Көрдім де, мінезіңе болдым құмар»  авторлық әндерін тарту етті.

Сұхбат барысында драматург, актер Қанат Жүнісовтың либреттосына жазған «Сәкен» операсына тоқталды.

Бағдарламаны жүргізген журналист Ләззат Тиышбекқызы.

Толығырақ аудионұсқадан тыңдай аласыздар.