Береке бастауы бірлік пен бейбітшілікте
«Отанды сүю» хабарына Нұр-Сұлтан қаласы мен Әзірет Сұлтан мешітінің бас имамы Ерболат Жүсіпов қатысты.
«Ислам – бұл бейбітшілік діні. Негізгі түбірі «Сәләм» яғни, тыныштық, бейбітшілік деген сөзден шыққан. Алланың 99 көркем есімінің бірі «Сәләм» - елге тыныштық беруші деген мағынаға саяды. Жалпы, діннің негізі мақсаты – адамзаттың бұл дүниеде де, ақыретте де бақытқа жету үшін белгілі бір заңдар жиынтығын ұстану деп қабылдайық. Ал, бақытқа жету үшін елде тыныштық болу керек. Біздің басты құндылығымыз - еліміздің тәуелсізідігі, тыныштығы, береке-бірлікте бейбіт өмір сүруімізде. Бір сөзбен айтқанда - береке бастауы бірлік пен бейбітшілікте»,- деді Ислам діні туралы мазмұнды әңгімесін бастаған студия қонағы.
Бағдарламаның толық нұсқасын төмендегі аудионұсқадан тыңдай аласыздар.
Сұхбаттасқан журналист Ләззат Тиышбекқызы.