Жәди Шәкенұлы: өзімді балалар жазушысынан гөрі тарих зерттеуші деп санаймын

Тәуелсіздіктің 30 жылдығына орай «Балалар поэзиясы антологиясы» жарыққа шықты. Қазақстан Жазушылар Одағы мен Еуразия Жазушылар Одағының мүшесі, Халықаралық Шыңғысхан академиясының, ҚР тарих және қоғамдық ғылымдар академиясының академигі, жазушы Жәди Шәкенұлы «Шалқар шаңырағында» бағдарламасында қонақта болды.

«Қайран елім», «Жұмбақ кітап», «Аққу жылаған түн» кітаптарымен қатар бірнеше ғылыми мақалалар мен танымдық еңбектері бар студия қонағы: "балалар әдебиетіне келуіме өзімнің балаларым себеп болды",- дейді.

Тәуелсіздіктің 30 жылдығына орай, 30 автордың еңбегі топтастырылған «Балалар поэзиясы антологиясы» «Атамұрадан» баспасынан жарық көрді.

"Айтулы жинаққа 15 шақты өлеңім енді. Жалпы балалар тақырыбында қалам тербеп жүргеніммен, өзімді балалар жазушысынан гөрі тарих зерттеуші деп санаймын және алдағы уақытта осы тақырыпты тоғыстыратын дүние жазғым келеді",- дейді Жәди Шәкенұлы.

Сұхбатты төмендегі аудионұсқадан тыңдай аласыздар.

Бағдарламаны жүргізген журналист Ләззат Тиышбекқызы.