Биыл Қабанбай батырдың 330 жылдығы атап өтіледі

Қазақ елінің даңқты тұлғасы, дарабоз, "Хан батыр" атанған Қабанбай батырдың 330 жылдығына орай "Шалқар шаңырағына" осы тақырыпты қаузап жүрген ғалым, архив зерттеуші, Мемлекет тарихы институтының жетекші ғылыми қызметкері, тарих ғылымдарының кандидаты, қауымдастырылған профессор Қанат Еңсенов тікелей эфирде сұхбат берді.

Қабанбай батырға арнап ауқымды кітап жазып жатқан ғалым елдің тұтастығын сақтап қалған батыр бабалардың ерлігі туралы әңгіме өрбіте келе, тарихи тұлғаның елді қорғаудағы ерліктеріне ерекше тоқталды.

Студия қонағы Қабанбай батыр туралы зерттеу жұмыстарының жалғасып жатқандығы, алдағы уақытта жоспарланған сапарлар мен зерттелетін дүниенің әлі де көп екендігі, қазақ даласындағы шайқас өткен орындар туралы, ондағы зерттеу экспедициялардың маңыздылығы туралы әңгіме өрбіді.

Сұхбаттың толық нұсқасын аудиодан тыңдай аласыздар.

Бағдарламаны жүргізген журналист Ләззат Тиышбекқызы.