ТЕМІРГЕ – ТІЛ, ЖАҢҚАҒА – ЖАН БІТІРГЕН
«Сөз киесі» хабарында біз сөздердің мәні мен мағынасын, шығу төркінін айтып келеміз. Бұл жолы біз тілші-ғалымды емес, қазақтың дәстүрлі қару-жарағын, ұлттық саз аспаптары мен халқымыздың көне тұрмыстық бұйымдарын жаңғыртып, сол арқылы ана тіліміздің рухын асқақтатып жүрген ағайынды темірші ұсталар – Құлментегілердің ұстаханасына баруды жөн санадық. Ағайынды теміршілердің шеберханасында өз қолдарымен жасаған бұйымдардың, саз аспаптары мен қазақтың жауынгерлік қару-жарақтарының және сауыт-саймандарының қасында тұрып, ұста МАХМҰТ ҚҰЛМЕНТЕГІМЕН әңгімелесуді жөн көрдік.
1-хабарда ҚАЗАҚТЫҢ ДӘСТҮРЛІ ҚАРУ-ЖАРАҚ түрлеріне шолу жасадық. Ал алдағы апталардағы хабарларымызда ұлттық саз аспаптары мен халқымыздың көне тұрмыстық бұйымдарын жаңғыртып жүрген Махмұт ұстамен әңгімеміз одан әрі жалғасады.
Хабарды жүргізген журналист Оңғар Құрал.
Толығырақ аудионұсқадан тыңдай аласыздар.