Сырлы әндер - сырласым
«Шалқар шаңырағында» хабарына Роза Бағланова атындағы «Қазақконцерт» мемлекеттік концерттік ұйымының «Халық қазынасы»мемлекеттік өнер бөлімінің солисті, әнші, композитор, ҚР еңбек сіңірген қайраткері Құмарбек Қалқатай мен «Саз» этно-тобының солисті, домбырашы, «Халық қазынасы»мемлекеттік өнер бөлімінің әкімшісі Руслан Мақымов келіп, тікелей эфирде сұхбат берді.
Биыл Мемлекеттік рәміздерге 30 жыл. Осы ретте елордадағы Роза Бағланова атындағы «Қазақконцерт» мемлекеттік концерттік ұйымы рәміздер күніне орай, «Отан ана» атты үлкен мерекелік шара ұйымдастырды. Еліміздің дербестігі мен тәуелсіздігін күллі әлемге жария етуші әрі мемлекетіміздің өткені, бүгіні мен болашағы арасындағы сабақтастықтың жарқын бейнесі болып табылатын - Мемлекеттік рәміздердің 30 жылдығына арналған концерт туралы сөз қозғаған студия қонақтары «Қазақконцерттің»осы маусым айында болатын репертуарымен таныстырып, радиотыңдаушыларды 8 маусымда кешкі 19.00-де өтетін эстрада бөлімінің концертіне шақырды. Құмарбек Қалқатайдың да жеке шығармашылық кеші 28-ші маусымда «Қазақстан»концерт залында өтеді. "Сырлы әндер - сырласым" атты жеке концертінде әншіні композитор және актерлық қырынан көруге мүмкіндік бар.
Бағдарламаны жүргізген журналист Ләззат Тиышбекқызы. Бағдарламаны аудионұсқадан тыңдауға болады.