Студенттер «Шалқар» радиосының жұмыс барысымен танысты

Орнықты даму мақсаттарының «Сапала білім беру» бағыты барысында Әл-Фараби атындағы ҚазҰУ, ЮНЕСКО-ның журналистика және коммуникация кафедрасының ұстазы, филология ғылымдарының кандидаты Мукашева Мәншүк Тынышқалиқызы журналистика факультетінің бірінші курс студенттерін «Шалқар» радиосына экскурсия ұйымдастырды.

Радио басшысы белгілі журналист, публицист, саясаттану ғылымдарының кандидаты Болатбек Төлепберген студенттерді «Шалқар» радиосының тарихымен, бағдарламаларымен және жоспарларымен, «Алтын қордың» атқаратын жұмысымен таныстырды.
Болашақ журналистер еліміздегі тек ана тілінде  хабар тарататын радионың тыныс - тіршілігімен танысып қайтты. «Шалқар» радиосы жұмысын 1966 жылдың 1 қаңтарында бастады, тәулігіне 18 сағат эфир таратады.
Болатбек Төлепберген студенттерге өзінің «Ұлттық медиа – ұлттық қауіпсіздік» атты кітабын сыйға тартты.