ӨЗГЕ ЕМЕС, ӨЗІМ АЙТАМ ӨЗ ЖАЙЫМДА... (1-бөлім)

2025 жылдың басында ҚР Журналистер одағының мүшесі, белгілі аудармашы, әрі түркітанушы, Ахмет Байтұрсынұлы атындағы Тіл білімі институтының ғылыми қызметкері Мақсұтхан Жақып ағамыз «Шалқар» радиосына мені іздеп келіпті. Тіл туралы және академиктер Рәбиға Сыздық пен Әбдуәлі Қайдардың 100 жылдықтарына арнайы хабар жасап жүргендігімнен болар, қолында флешкасы – жад сақтағышы бар.
- Оңғар, Рәбиға апай туралы хабар жасап жүрсің ғой, менде апайдың өмірден өтер алдында жазып алған дауысы бар еді, жараса эфирге берерсіңдер, - дейді Мақсұтхан ағамыз. – Және жақында академик Шора Сарыбаевтың 100 жылдығына орай Ахмет Байтұрсынұлы атындағы Тіл білімі институтының ұйымдастыруымен «Кел, сөз маржанын жинайық!» атты республикалық байқауға да ұсынсам деймін. Сол байқауға ұсыну үшін кейбір артық тұстарын алып берсең.
- Жақсы, - дедім де, монтаждап бердім.

Бірегей үнжазба, эксклюзив сұхбат болған соң, Мақсұтхан Жақып ағамызға жүлделі орын бұйырды.
Ал біз Мақсұтхан ағаның 2019 жылы аурухана палатасына барып, Рәбиға апайды жазып алған үнжазбасын монтаждап, өңдеп, эфирге беруді жөн көрдік. Тіл ғылымының білгірі, академик РӘБИҒА СЫЗДЫҚ апайымыз өз әңгімесінде балалық, жастық шағы туралы әңгімелейді. Үнтаспа үздік сапада жазылмаса да, бұл кешегі алыптардың, Әлихан Бөкейханұлы, Ахмет Байтұрсынұлылар бастаған алаш қайраткерлерінің жалғасындай болған бірегей ғалымның – Рәбиға Сәтіғалиқызының өз үні, өз дауысы қашанда қымбат, қашанда бағалы болар деген ойдамыз.

Ендеше Рәбиға апамыздың өзі туралы айтқан әңгімесінен үзінді тыңдаңыздар. 1-бөлім.
Хабарды жүргізген журналист Оңғар Құрал.
Толығырақ аудио нұсқада...