КҮЙ МЕН РУХАНИЯТ

Қазақтың күй өнері – ұлттың рухани жадын сақтаған асыл мұра. Бүгінгі таңда осы құндылықты заманауи медиа арқылы насихаттау – маңызды міндеттердің бірі. Осы орайда «Шалқар» радиосының редакторы, күй өнерін терең меңгерген маман Сәрсенғали Әлімханұлы Жүзбаев ұлттық музыканы радио арқылы кеңінен танытып келеді. Оның «Наридірген», «Күйшашу», «Күйшежіре» секілді хабарлары күйдің тарихы мен философиясын, күйшілердің өмір жолын тыңдарманға терең әрі мазмұнды түрде жеткізуді мақсат етеді.

Бағдарлама барысында біз күй өнерінің мәні мен маңызы, радио арқылы ұлттық мұраны насихаттау жолдары, сондай-ақ Қазақстандағы әр аймақтың күйшілік мектептері мен олардың ерекшеліктері туралы әңгіме өрбітеміз.

Бағдарлама жетекшісі: Гүлнұр Омарханқызы
Дайындаған: Әсел Ғарифуллақызы
Дыбыс режиссері: Жадыра Сардарбекқызы