ШЕКСІЗ ШЕБЕРЛІК - АМАНЖАН ЕҢСЕБАЙҰЛЫ

Дауыс – адамның ішкі әлемін сыртқа шығаратын ең нәзік құрал. Ал дикция – сол дауыстың айқын, түсінікті әрі әсерлі естілуін қамтамасыз ететін шеберлік. Радио мен сахнада бұл екеуінің үйлесімі – көрерменге немесе тыңдарманға ойды ғана емес, сезімді де жеткізетін ерекше өнер.
Осы орайда қазақ дикторлық мектебінің дамуына өлшеусіз үлес қосқан тұлғалар аз емес. Солардың бірі – әсем дауысымен талай ұрпаққа рух сыйлаған, қазақ дикторларының атасы атанған, «Шалқар» радиосының ардагері, «Құрмет» орденінің иегері, Қазақстан Республикасының мәдениет қайраткері, Әнуарбек Байжанбаев атындағы сыйлықтың лауреаты – Аманжан Еңсебайұлы.
Бұл сұхбатта біз Аманжан Еңсебайұлымен дауыс мәдениеті, дикцияны қалыптастыру жолдары және радиожурналистиканың қыр-сыры туралы әңгіме өрбітеміз. Ұзақ жылдық тәжірибесі мен шығармашылық жолы арқылы ол кәсіби диктор болудың талаптары мен жауапкершілігін тереңінен түсіндіреді.

Бағдарлама жетекшісі: Гүлнұр Омарханқызы
Дайындаған: Айгерім Сұлтанғали
Дыбыс режиссері: Жадыра Сардарбекқызы

Фото: baq.kz