Алтыным-ай

Алтыным-ай

халық әні

Барады ауылым көшіп Көлмекөлге,

Көлмекөл алыс дейді көрмегенге.

Кетсе де ауылың алыс, беу қарағым,

Жаз шығар, күн күркіреп өлмегенге.

Қайырмасы:

Ой, ахау алтыным-ай, күмісім-ай,

Аман жүр қайда жүрсең, туысым-ай.

Қара Ертіс, қайран өзен, Нарын, Күршім,

Түскенде Күршім еске жат та көрсін.

Дүниеде туған жерге жетер қайда,

Шет жерде аңсап жүрген күнім құрсын.

Қайырмасы:

Ой, ахау алтыным-ай, күмісім-ай,

Аман жүр қайда жүрсең, туысым-ай.

Біздің ел Қара Ертісті қыстайтұғын,

Шағимен түлкі тымақ тыстайтұғын.

Ей, тағдыр, мен не қылдым, сен не қылдың,

Осынша шыбын жанды қыстайтұғын.

Қайырмасы:

Ой, ахау алтыным-ай, күмісім-ай,

Аман жүр қайда жүрсең, туысым-ай.