Қызылқұмда ауылым

                  Қызылқұмда ауылым

халық әні

Кекілің келте бозбала, шашың майда,

Іздемеген жігітке қыздар қайда.

Оймақ ауыз, күлім көз, құралай шаш,

Жолығар ма еді өзіңмен осындайда.

Қ-сы:

Қызылқұмда ауылым,

Қыз, бозбала сауығым.

Өзіңменен ойнамай,

Басылмайды сауығым.

Қызға жігіт құмар-ай,

Қыз да мойынын бұрады-ай.

Сезіп қалса шешесі.

Шарт еткізіп ұрады-ай.

Жігітте де жігіт бар қыңырайған,

Баса киіп шәпкесін жымырайған.

Аңдығаны кеш болса қыз-келіншек,

Ол құдайдың қырсығы,құдай ұрған.

Қ-сы:

Қыздарда да қыздар бар,мінезі ашық,

Ашықтықтан болады-ау жігіт ғашық.

Қапелімде шешесі сезіп қалса,

Ұялғансып қалады,бетін басып.

Қ-сы

Қыз дегенім,қалқам-ау,

Қай қылығын айтам-ау.

Қағып-соғып өтетін,

Жігіттерге жайтаң-ау.