«Наурыз парасаты» әні. «Жебе тобы»

Айналаңнан жаңа көктем лебі ескен,

Бұл кезеңде күн менен түн теңескен.

Сан ғасырлық ата-баба салтына

Көпір болған Наурыз өзің емес пе ең?!

Қайырмасы:

Таулы, таусыз жерімнің,

Өзен, теңіз көлімнің,

Жаса ұлы Наурызы

Жаңа жылы елімнің!

Қуат жиса пәктігің,

Асқақтайды шоқтығың.

Тамыр алмай тарихтан

Мазмұнданбас шаттығың.

Жүріп жатыр ерлік, ездік жарысы,

Наурыз - нағыз сәулелі ойлар қонысы.

Наурыз сайын ағаш егу, гүл егу,-

Әр адамның табиғаттық борышы.

Қайырмасы:

Таулы, таусыз жерімнің,

Өзен, теңіз көлімнің,

Жаса ұлы Наурызы

Жаңа жылы елімнің!

Қуат жиса пәктігің,

Асқақтайды шоқтығың.

Тамыр алмай тарихтан

Мазмұнданбас шаттығың.

Наурыз парқы - өз санаңды өсіру,

Пенделікті ізгілікке көшіру.

Өткен жылы өкпелесең біреуге,-

Сол өкпеңді дархандықпен кешіру.

Қайырмасы:

Таулы, таусыз жерімнің,

Өзен, теңіз көлімнің,

Жаса ұлы Наурызы

Жаңа жылы елімнің!

Қуат жиса пәктігің,

Асқақтайды шоқтығың.

Тамыр алмай тарихтан

Мазмұнданбас шаттығың.