Серік Сейітман: «Адам болсаң – адал бол»

Бүгінгі «Шалқар» радиосының «Таңжарық» бағдарламасында Қазақстан Жазушылар Одағының мүшесі, Республикалық «Жас Тұлпар» сыйлығының лауреаты, Төлеген Айбергенов атындағы арнайы сыйлықтың иегері ақын Серік Сейітман қонақта болды. Серік Сейітман өзінің өмірі мен шығармашылығы жайында ой бөлісіп, «Таңғы қонақ» айдарында журналистердің сауалнамасына жауап берді.

Сауалнамадан үзінді: 

- Сіз басқа адам болсаңыз, өзіңізбен дос болар ма едіңіз?

- Өзіммен абайлап араласар едім. 

- Сізді өзгелерден даралап тұратын не?

- Ешкімге ұқсамайтын бір қасиетім шығар... 

- 5 жыл бұрын қандай іске соншалықты бас қатырдыңыз, есіңізде ме?

- «Шалқар» радиосының бас редакторы болып жүрген кезім. Жаңа жобаларды жүйелеу жұмыстарына бас қатырып жүргенмін. 

- Өміріңізде бір нәрсені өзгеруге мүмкіндік берілсе, нені өзгертер едіңіз?

- Адамның ниетін және ықыласын. 

- Балаңызға бір ғана кеңес берер болсаңыз, не айтар едіңіз?

- «Аман бол, аман болсаң – адам бол, адам болсаң – адал бол» дейтін едім. 

Сұхбаттың толық нұсқасын бағдарлама мұрағатынан тыңдай аласыз.