Сарымсақтың емі қандай дерттерге дауа?
Сарымсақтың емін ата-бабаларымыз байырғы заманнан білген. Оның иісінің өзі тұмаудан, суықтан, түрлі микроптан сақтайды.
Қазақ радиосы «Табиғат және біз» бағдарламасының қонағы - Қазақстан Руспубликасы денсаулық сақтау ісінің үздігі, «Алтын жүрек» және «Сократ» сыйлығының иегері, академик Жасан Зекейұлы сарымсақтың емдік қасиеті жайлы айтып берді.
«Емдік қасиеті бойынша мұның сұйықтығын ішкізсе, қан тамырларындағы ауруларға шипа. Яғни, қанның жабысқақтығын жоғалту үшін, сұйылту үшін қолданады. Және сарымсақ табиғи иммунитетті көтереді, рак ауруының алдын алады. Байқасаңыздар, Индияның фильмдерінде сарымсақты мойынға моншақтап, іліп алады. Іліп алатын себебі, иісі арқылы көп микроптардан сақтану. Сарымсақты жиі тұтыну керек. Ересек адамдар күніне 2-3-тен тұтынып отырса, адамның ішкі қуаттылығының күштілігіне, қанның сұйылып, жақсы жүріп отыруына өз септігін тигізеді».