Психикалық аурулар тұқым қуалай ма?
Психикалық денсаулық мәселесі бүгінгі таңда ерекше мәнге ие. Әлемдегі мүгедектіктің негізгі факторы да психикалық денсаулық пен мінез-құлық мәселелері болып отыр. Ппсихикалық аурумен ауыратын адамдар дүниежүзі халқының бір пайызын құраса, бұл көрсеткіш бойынша біздің ел басқа елдерден еш ерекшеленбейді, бізде де есепте тұрған науқастар саны аз емес екен.
Мамандардың пікірінше, психикалық аурулардың, мазасыздану мен стрестің таралу көрсеткіштерінің өсу тенденциясы, адамдардың нашаға, ішімдікке, əртүрлі құмар ойындарға тəуелді болуынан орын алған. Жəне де көктем, күз айларында адам бойындағы психикалық аурулар қозып, анық байқала бастайды екен.
Бұл туралы медицина ғылымдарының кандидаты, доцент, жоғары санаттағы психиатр дəрігер Төлеуғазы Саратбайұлы Бокашев Шалқар радиосының "Денсаулық" бағдарламасына берген сұхбатында айтып берді.