Астанада «Kadex-2018» халықаралық қару-жарақ көрмесі өтуде
2018 жылдың 23-26 мамыры аралығында Астана қаласындағы Халықаралық әуежайдың әскери секторы аумағында «KADEX - 2018» қару-жарақ және әскери-техникалық V Халықаралық көрмесі өтеді.
Бұл Қазақстан Республикасы Қорғаныс және аэроғарыш өнеркәсібі министрлігінің қамқорлығында өтетін алғашқы көрме. Оған Халықаралық қорғаныс министрліктері мен алыс-жақын шетелдік ірі кәсіпорын жетекшілері қатысуда.
«KADEX-2018» қонақтары қорғаныс-өнеркәсіп кешені мен ғарыш саласының соңғы жетістіктерімен таныса алады. Сондай-ақ түрлі елдің ғылыми жаңалықтары да көпшіліктің назарына ұсынылмақ. Сонымен қатар ашық алаңда құрлық, әуе және ұшқышсыз техника жұмысын қызықтауға болады.
Кешеден бастап қару-жарақ саудасы қыза түсіп, жүздеген миллиондарға келісім-шарттар жасалды. Ал, сенбі жексенбі күндері осы әскери техниканың сан түрін астаналықтар келіп тамашалай алады.