Телефон қуаты жиі таусылмау үшін не істеу керек?

Жанымыздан жиі табылатын заттардың бірі ұялы телефон. Телефонның қуаты жиі таусылып, ыңғайсыздық тудыратын жағдайлар жиі кездеседі. Сол себепті, телефон қуатының тез таусылмасын десеңіз:

1.     Телефоныңызды 100%-ға дейін қуаттамаңыз

Сарапшылар батареяның қауіпсіздігі үшін қуаттың оңтайлы деңгейі 30% -дан 80% -ға дейін екенін айтады. Батареяны қалыпты деңгейде ұстап тұру үшін бір күннің ішінде телефонды бірнеше рет қуаттаған дұрыс;

2.     Телефоныңыз мүлдем сөніп қалмасын

Батарея қуатының өте аз болуы, әлеуетін азайтады.

Сарапшылар батарея қуатын екі айда бір рет ғана 0% - ға жеткізуге болатынын ескертеді. Бірақ, мұндай жағдайға дейін жиі жеткізбеген жөн;

3.     Батарея қатты қызып кетпесін

Смартфондардың батареялары өте жоғары температураны көтере алмайды. Телефонды аязда, яғни, 0⁰С-тен төмен және 35⁰С-тан жоғары температурада қолданбауға тырысыңыз.

Смартфонды жазда терезеде, қыста көлікте ұмытпағаныңыз абзал;

4.     Сымсыз қуаттағыштарды қолданбаңыз

Сымсыз қуаттағышты күнделікті қолдансаңыз, батарея тез қызып, оның салдары аккумулятордың істен шығып қалуына әкеледі;

5.      Телефон қуатталғанда қызып кетпесін

Телефон қуатталып жатқанда жұмсақ көрпешеде тұрса, батареясы қызып кетуі мүмкін. Телефонды үстелге қойып, жылу көздерінен алыс ұстаңыз;

6.     Қосалқы телефон ұстағаныңыз абзал

Егер, сізде екі телефон болса, екіншісін қолдану арқылы біріншінің қуатын үнемдеуге мүмкіндік аласыз. Қосымша телефон батареясының қуатын үнемі 50% - дан жоғары болсын;

7.     Басқа қуаттағыштарды пайдаланбаңыз

Адамдар көбінесе қуаттағыш құрылғының ең арзанын алады. Аккумулятордың істен шығуына алып келетін осы арзан қуаттағыштар. Сол себепті, қуаттағыштың түпнұсқасын қолданыңыз.