Астана - 106,8FM Алматы - 101,00 FM Шымкент - 106,40FM Талдықорған - 101,00FM Көкшетау - 101,00FM Ақтөбе - 102,20FM Атырау - 101,00FM Өскемен - 104,00FM Семей - 100,10FM Аягөз - 101,00FM Тараз - 100,80FM Орал - 101,20FM Қарағанды - 103,40FM Қызылорда - 102,00FM Ақтау - 100,5FM Павлодар - 101,00FM Петропавл - 106,80FM Түркістан - 101,00FM

Алматыда Қысқы Универсиада-2019 алау эстафетасының кезеңі өтеді

Алматыда Қысқы Универсиада-2019 алау эстафетасының кезеңі өтеді

Қыркүйектің 20-ы Италияның Турин қаласында 2019 жылы өтетін қысқы Универсиаданың алауы жағылады. Оның ұйымдастырушысы Халықаралық студенттер спорты федерациясы (FISU). Ал, қыркүйектің 24-і күні қысқы Универсиада алауын XXVIII-ші Бүкіләлемдік қысқы Универсиада астанасы болған Алматы қабылдап алады, деп хабарлайды ақпараттық және спорттық ХАБ.    

Универсиаданың алау ұстаушылары Балуан Шолақ атындағы спорт сарайынан бастап Республика сарайына дейін жүгіріп өтеді. Олардың қатарында FISU президенті Олег Матыцин, Қазақстан студенттер арасындағы ұлттық спорт қауымдастығының президенті Қайрат Закирьянов, боксшы Қанат Ислам, футзалшы Дінмухамбет Сүлейменов, альпинист Мақсұт Жұмаев және т.б.

Алматыдан кейін алау эстафетасын 2009 жылы 26 қыркүйекте өткен XXVI-ші Бүкіләлемдік қысқы Универсиаданың астанасы Харбин қабылдайды.

Ал, қыркүйектің 29-ы күні алау эстафетасының Ресейдегі кезеңі басталып, сол елдің 30 ірі қаласы эстафетаны қабылдайды. Спорттық шара 2019 жылдың 1 наурызына дейін жалғасып, студенттер ойындарының астанасы Красноярскте аяқталады.

Бұл Универсиадаға әлемнің 50 елінен келетін спортшылар 11 спорт түрінен 76 медаль жиынтығын сарапқа салады. Олар биатлон, шорт-трек, керлинг, таушаңғы спорты, шаңғы жарысы, сноуборд, шаңғымен спорттық бағдарлау, мәнерлеп сырғанау, хоккей, допты хоккей және фристайл спорт түрлерінен өзара мықтыны анықтайды.

Универсиада 50 жылдан астам уақыт өткізіліп, халықаралық кешенді спорттық жарыстарының арасында екінші дәрежеде тұрған шара болып саналады. Ол ойындар FISU қолдауымен өткізіліп тұрады. Ең алғашқы ойындар 1959 жылы жазда Туринде (Италия) өткен.