Қанжығалы Бөгенбай батыр (4-бөлім)
«Ақшадан асып туған ер Бөгенбай,
Едігедей ел қамын жер Бөгенбай.
Қалмақты қысқа күнде қырық шауып,
Үш жүзге олжа салған сол Бөгенбай.
Бөкеңнің Тұраналы - бел баласы,
Би Бапан одан туған - ер данасы,
Бапаннан Саққұлақтай атам туып,
Қазақтың атын білмес қай баласы!?
Сағекеңнен Нұралыдай әкем туды,
Ол-дағы ата-баба жолын қуды»- деп Әз Тәукенің бас батыры Ақшадан бастап, қолбасшылық өнердің, билік, шешендік өнердің туын асқақтатқан алтын әулеттің ел бағына туған бағлан-діңгегтері Саққұлақ бидің немересі Олжабай ақын осылайша тебірене баяндайды, деп жазады филология ғылымдарының докторы, профессор, Қазақстанның Әлеуметтік ғылымдары академиясының академигі Серік Негимов.
Қазақ радиосының эфирінен берілетін «Інжу маржан» хабарының 4-бөлімі Қанжығалы Бөгенбай батырға арналды. Студия қонақтары: Л.Н Гумилев атындағы Қазақ Ұлттық университетінің ұстазы, философия ғылымының докторы, профессор, Қазақстан ҒА-ның академигі Ғарифолла Есім, Әл-Фараби атындағы атындағы Қазақ Ұлттық университеті, Тарих архэалогия және этнология факультетінің деканы, тарих ғылымдарының кандидаты, доцент Ноғайбаева Меңдігүл Сағатқызы, Мәжілім депутаты, тарих ғылымының докторы, генерал-лейтенант Абай Тасболатов.
Жырды орындаған жыршылар: Аманқос Садық, Төртқара Төлеу Қосан.
Хабардың авторы әрі айтаманы: Халықаралық Ж.Жабаев атындағы сыйлықтың лауреаты, журналист Қошан Мұстафаұлы.