Ай, сәулем

                Ай, сәулем

Айналайын қарағым, алтыным-ай

Ақ жүзіңді көргенде балқыдым-ай.

Көрмегелі- ай көп айдын жүзі болды,

Аман есен жүрмісің, жарқыным-ай.

Қайырмасы:

Тауда жүрер кекілік,

Тастан-тасқа секіріп,

Жас кезінде ойна да күл,

Кейін жүрме өкініп.

Жапандағы сіз бір сұлу шынар,

Қонақтауға өзіңе болдым құмар.

Қонақтауға өзіңе талай келем,

Ғашық көңілім өзіңе қашан тынар.