Қазақстанда 1 297 662 адам коронавирусқа қарсы егілді

ҚР Денсаулық сақтау министрлігінің 11 маусымдағы мәліметіне сәйкес, Қазақстанда коронавирусқа қарсы вакцинаның толық дозасын 1 297 662 адам алды.

Атап айтқанда, вакцинаның I компонентімен 2 416 430 адам, II компонентімен 1 297 662 адам егілді.

Коронавирусқа қарсы вакцинаның екі компонентін де алған ең көп тұрғындар:

Алматы қаласында – 220 729, Алматы облысында – 149 998, Қарағанды облысында – 117 797, Нұр-Сұлтан қаласында – 115 818 және Шымкент қаласында 104 894 тікерлген.

Айта кетейік, бір тәулікте елімізде коронавирус вакцинасының ІІ дозасын алғандар саны 33 451 адамға артты.