Қазақстан Президентіне кімдер үміткер бола алады?

Сайлау мерзімі белгіленген соң партиялар өз кандидаттарын ұсына бастайды. Сонымен, Президенттік лауазымға кімдер үміткер бола алады?

Конституцияның 41-бабы 2-тармағына сәйкес ел Президенті болып қырық жасқа толған, мемлекеттік тілді еркін меңгерген, Қазақстанда туған және соңғы он бес жыл бойы тұратын, жоғары білімі бар Республика азаматы сайлана алады.

Нақты қойылатын талаптар:

• ҚР Азаматы;
• Соңғы 15 жылда ҚР аумағында тұрған;
• Жоғары білімі бар;
• 40 жасқа толған;
• Белсенді сайлау құқығының болуы;
• Мемлекеттік қызметте немесе сайланбалы лауазымда кем дегенде 5 жыл жұмыс тәжірибесі бар;
• Мемлекеттік тілді еркін меңгерген.