Астанада ХҚКО-на күн сайын Ресейден келген 3 мыңға жуық азаматтан өтінім түседі

Астана қаласының Халыққа қызмет көрсету орталықтарына күн сайын Ресейден келген 3 мыңға жуық азаматтан өтінім түсіп жатыр. Бұл туралы Астана қалалық мәслихаты Заңдылық, құқық тәртібі және жұртшылықпен жұмыс мәселелері жөніндегі тұрақты комиссиясының төрағасы Нұрлан Көпешов айтты.

«Қазіргі уақытта ЕАЭО келісімі аясында қажетті іс-шаралар жүргізіліп жатыр. Олардың ішінде Ресей Федерациясынан келген азаматтар ХҚКО-ларымызға жүгінгенін атап өтуге болады. Үлкен жүктеме болды. Бірінші күні кезек байқалды. Бір түннің ішінде «Азаматтарға арналған Үкіметпен« бірлесіп, «Жастар» сарайы алаңында арнайы ХҚКО ұйымдастырдық, онда барлық терезе арнайы қызмет көрсетеді. Күніне 3 мыңға жуық адам келетінін байқаймыз. Олардың өтінімдерінің жартысы сол күні, жартысы үш күн ішінде шешіледі. Регламенттік мерзім бойынша қызмет көрсетіліп жатыр, яғни ЖСН тіркеледі», - деді Нұрлан Көпешов елорда мәслихатының отырысында.

Оның атап өтуінше, қалада қауіпсіздік мәселелері қамтамасыз етілген.

«Қазір басқа ерекше жағдайлар мен шиеленістер жоқ. Қонақ үй кешендеріне, қонақүйлерге, пәтерлерге үлкен жүктеме бар екенін көріп отырмыз. Бүгінгі таңда жанжалдар, басқа да жағдайлар тіркелген жоқ. Жалпы, барлық құқық қорғау органдары келген азаматтар мен азаматтарымыздың құқықтық тәртібі мен қауіпсіздігін қамтамасыз етуге бағытталған», - деді ол.

Фото: inbusiness.kz