Е.Бәпи: Бұл не деген “алтын құрылыс” екенін түсінбеймін

Мәжілістің жалпы отырысында Депутат Ермұрат Бәпи елордадағы құрылысы әлі бітпеген үшінші ЖЭО жайлы айтты.

"Астанадағы үшінші ЖЭО-ны салып жатқанына 14 жылға жуықтады. Оның ең басты қызығы мынада - жыл сайын құрылыстың құны өсіп бара жатыр. Алғашында 86 млрд теңге болған құрылыстың құны 122 млрд теңгеге көтерілген. Енді биыл бағасын тағы 54 млрд теңгеге көтеріп отыр. Бұл не деген “алтын құрылыс” екенін түсінбеймін. Жылы жақтан көшіп келдік. Биыл қыс қатты болады деген жорамал бар. Биылғы қыста Астана халқымен бірге қатып қалмаймыз ба?", - деді депутат.