«Qazaqstan дауысы» мегажобасының жеңімпазы анықталды
Сенбілік прайм-тайм уақытында отандық арналар арасында ең көп көрермен жинайтын «Qazaqstan дауысы» мегажобасы аяқталды.
3500-ге жуық үміткер ішінен Мұса Марат үздік шығып, жеңімпаз атанды.
Мұса Марат жобаға Өзбекстан Республикасының Нөкіс қаласынан келді. 21 жастағы қатысушы Қуандық Рахымның тобында өнер көрсетті.
«Қазақстан» телерадиокорпорациясы мегажобаны үзбей тамашалап, үздік қатысушыны таңдауға атсалысқан көрерменге алғыс білдіреді.