Париж-2024: Қазақстандық спортшы Олимпиаданың 49 жолдамасын жеңіп алды
Қазақстандық спортшы Эдуард Ещенко Франция астанасы Париж қаласында өтетін XXXIII жазғы Олимпиада ойындарының жолдамасын жеңіп алды.
Ол жолдамаға стенд атудан Қатар астанасы Дохада өтіп жатқан лицензиялық турнирде қол жеткізді. Спортты дамыту дирекциясының баспасөз қызметі атап өткендей, бұл ел қоржынына түскен 49-шы жолдама.
Эдуард Ещенко скит бағдарламасында жекелей сында финалға жетіп, үздік үштікке ілікті. Эдуард алтын және күміс жүлдегер атанған спортшыдан тек 1 ұпай қалып кетті (35 ұпай).
Фото: Спортты дамыту дирекциясы