Қонаев қаласында жаңа жағажай ашылды

Қонаевта жаңа қалалық жағажай ашылды. Ресми мәліметтер бойынша, қазір Қонаевта 140 туризм нысаны жұмыс істейді.

2023 жылы шомылу маусымына 1,2 миллион турист келді, ал биыл 1,3 миллион демалушыны қабылдау жоспарлануда. Қонаев әкімдігінде атап өткендей, бүгінде қалада бесінші қалалық жағажай абаттандырылды.

Қалалық жағажайда инженерлік желілер жүргізіліп, қала тұрғындары мен туристер үшін қолайлы жағдайлар жасалды. Қонаевта № 6 және №7 жағажайлар абаттандырылады деп күтілуде. №8 жағажай инвесторлардың қаражатына салынып, аттракциондар паркіне айналады.

Фото: Қонаев әкімінің баспасөз қызметі